Awal mula nama 'kepot'

Semua orang pernah nanya ke gue, "kok lu dipanggil kepot?", "kok bisa dipanggil kepot", dll. sebenernye arti dari nama 'kepot' ini kagak ada. Ada temen gue yang sotoy, bilang kalo kepot itu kepin ngepot lah, kepin kempot lah, banyak deh.

Gue sendiri sebenernye bingung kenape gue dipanggil kepot. Yang gue inget, dulu pas gue masih kecil, gue bangun, tibatiba bapak'e girang sambil bilang "aihh, si kepott dahh bangunn yakk!" dari sana gue bingung kenape gue dipanggil kepot. Gara-gara bapak'e manggil manggil gue kepot, akhirnye emak gue juga ikutan manggil kepot. belom lama gue dipanggil kepot, akhirnye tante dan kawan kawannye ikutan manggil gue kepot.

Hari demi hari gue dipanggil kepot, gue ngerasa kek orang bego sendiri, gue juga ngerasa ntuh nama kyknye hina banget di denger semenjak gue dikasih tau ama abang ojeg langganan gue kalo die baru beli knalpot dikasih nama kepot, hadeh, ntu lagih si babang ojeg dapet inspirasi darimane ngasih nama knalpot motor nye jadi kepot. Abang gue juga waktu itu mulai menyebar nama kepot di sekolah pas gue kelas 3. Gue tambah bete. bayangin gue udeh dapet sebutan hina dari temen gue, 'kepin si timun laut', 'KEju'(ini gajelas banget), 'kepin brekele' (yang ini gue juga ga ngerti), dan yang terakhir, abang gue nyebar kalo gue dirumah sering dipanggil 'kepot'. Gue kadang kesel ama die & temen temennye. Gue lagi jalan, ketemu die dan kawan kawan, "ehh kepot" abang gue mulai nge malu maluin gue, tiba tiba temen nye ketawa "HAHAHAHA, si kepot, ehh nama kepin kok dijadiin kepot sih? perasaan ga mirip sama cepot?" nah ini lagi gile, brader nye bokap gue yang ada di sumedang juga tau gue kagak mirip ama wayang cepot.

Udah lama kemudian, gue udeh gak pernah tuh dipanggil yang aneh aneh, kepot lah, kepin si timun laut lah, keju lah. Akhirnye gue masuk SMP boarding. Disana setiap anak rata rata hampir punya nama sebutan semua, ada yang namanye prasetan dipanggil jadi koyok lah, si himda jadi kiwil lah, banyak dah. Yang gue bingung, gue malah jadi pengen punya sebutan kek mereka, aneh, dulu gue ogah banget dipanggil yang aneh aneh, sekarang malah jadi nyari sebutan yang bagus buat gue.

Suatu hari ada temen gue namanye prasetan, die kadang suka ngelakuin hal hal yang diluar akal sehat, kadang juga pecicilan. Gajelas, tibatiba die manggil gue, "ehh kepot, maen yuk kebo tomplok yuk", sejenak gue bingung sebentar, ini orang tau dari mane gue biasa dipanggil kepot, apa iye die nanya bapak'e ama nyokap gue nama panggilan gue dirumah?, "woy bego, gue tanya malah ngelamunin cewe, mao maen kagak", "bentar bentar, lu tau darimane gue dipanggil kepot?", "hah? gatau dah, gue ngasal, udeh lah bodo, mao maen kagak?". Dari sono lah akhirnye gue jadi lebih sering dipanggil kepot dibanding dipanggil kevin. Lama kelamaan, nama kepot sendiri nyebar ke murid cewe nya, akhirnye nyebar kemane mane.

Udeh SMA, gue nyebar nama gue sendiri, gue minta mereka manggil gue kepot aje. gue juga gatau nape malah mau dipanggil kepot. Jadi, gue bisa simpulkan, dulu bapak'e sama nyokap gue sabi manggil gue 'kepot' itu gegara gabut. Dan bisa disimpulkan, gabut itu pemulai segalanya.